Nid yw unrhyw fath o aflonyddu byth yn iawn. Nid ydym yn goddef ymddygiad annerbyniol, gan gynnwys pob math o aflonyddu.
Os ydych chi neu rywun rydych yn ei adnabod wedi cael eich effeithio gan aflonyddu, yna rydym yn eich annog i roi gwybod amdano a cheisio cefnogaeth.
Mae aflonyddu yn ymddygiad digroeso sydd â'r pwrpas neu'r effaith o darfu ar urddas unigolyn, neu greu amgylchedd bygythiol, gelyniaethus, diraddiol, bychanol neu dramgwyddus. Gall aflonyddu ddigwydd yn gorfforol, yn eiriol neu'n ddieiriau a gall fod yn fwriadol neu'n anfwriadol. Mae hefyd yn cynnwys trin rhywun yn llai ffafriol oherwydd eu bod wedi ymostwng neu wedi gwrthod ymostwng i ymddygiad o’r fath yn y gorffennol.
Gall aflonyddu gynnwys ond heb fod yn gyfyngedig i:
- ymddygiad corfforol digroeso gan gynnwys: cyffwrdd, pinsio, gwthio, cydio, brwsio heibio rhywun, goresgyn eu gofod personol a ffurfiau mwy difrifol o ymosodiad corfforol neu rywiol
- sylwadau neu ystumiau sarhaus neu fygythiol, neu jôcs neu branciau ansensitif
- gwatwar, dynwared neu fychanu anabledd person
- jôcs hiliol, rhywiaethol, homoffobig neu oedraniaethol, neu sylwadau difrïol neu ystrydebol am grŵp neu ryw ethnig neu grefyddol penodol
- cyhoeddi neu fygwth cyhoeddi rhywun "allan" fel rhan o'r gymuned LGBTQ+
- anwybyddu neu droi eich cefn ar rywun, er enghraifft, trwy eu gadael allan o sgwrs neu weithgaredd cymdeithasol yn fwriadol.
Gall rhywun gael ei aflonyddu hyd yn oed os nad nhw oedd y "targed" bwriedig. Er enghraifft, gall person gael ei aflonyddu gan jôcs hiliol am grŵp ethnig gwahanol os ydynt yn creu amgylchedd sarhaus.