Nid yw unrhyw fath o ymosodiad byth yn iawn. Nid ydym yn goddef ymddygiad annerbyniol, gan gynnwys pob math o ymosodiad.
Os ydych chi'n adnabod rhywun sydd wedi'i effeithio gan ymosodiad, nid ydych chi ar eich pen eich hun ac mae cymorth ar gael.
Beth allwch chi wneud?
Meddw
- Ydyn nhw mewn perygl uniongyrchol? Os ydynt mewn perygl uniongyrchol neu wedi'u hanafu'n ddifrifol, gallwch gysylltu â'r gwasanaethau brys ar 999 (neu 112 o ffôn symudol).
- Dod o hyd i le diogel. Os yw digwyddiad newydd ddigwydd ceisiwch ddod o hyd i rywle maen nhw'n teimlo'n ddiogel.
- Beth yw ymosodiad? Gallai fod yn ddefnyddiol meddwl am yr hyn a olygir gan ymosodiad a sut y disgrifir yr ymddygiadau hyn.
Siarad
- Os yw hyn wedi effeithio ar rywun yr ydych yn ei adnabod, gallwch ei annog i geisio cymorth. Fel arall, gallwch wneud datgeliad dienw a fydd yn ein galluogi i ymchwilio i weld a oes sawl achos mewn un maes.
Adrodd
- Adrodd a Chymorth. Gall myfyrwyr a staff roi gwybod am ddigwyddiad gan ddefnyddio system Adrodd a Chymorth y Brifysgol. Gallwch ddewis gwneud hyn yn ddienw neu gyda'ch manylion cyswllt er mwyn i aelod priodol o staff gysylltu â chi. Os byddwch yn dewis rhoi gwybod gyda'ch manylion cyswllt gall aelod o staff drafod yr opsiynau a'r cymorth sydd ar gael i chi, yn gyfrinachol.
Cymorth
- Fel myfyriwr gallwch hefyd estyn allan i’n Gwasanaeth Llesiant sy’n cynnig ystod o help a chefnogaeth. Gallwch fwcio apwyntiad gyda’r Gwasanaeth Llesiant, gyda Chynghorydd Llesiant a all siarad â chi am y cymorth sydd ar gael.
- Fel aelod o staff gallwch gael cymorth drwy'r Cynllun Cefnogi Staff, eich rheolwr neu AD drwy Bartner Busnes AD hrbusinesspartner@southwales.ac.uk
- Ceisio Cefnogaeth Allanol - Mae yna nifer o sefydliadau arbenigol allanol sy'n darparu cefnogaeth arbenigol, gan gynnwys cwnsela. Mae rhestr o sefydliadau i'w gweld yma.
- Gall Staff a Myfyrwyr estyn allan i Dîm EDI y Brifysgol drwy equality@southwales.ac.uk; neu i Gynghorwyr Urddas yn y Gwaith ac Astudio
- Gall staff estyn allan i Undebau Llafur perthnasol (UCU, Unsain a GMB)