Nid yw unrhyw fath o ddigwyddiad casineb neu drosedd casineb byth yn iawn. Ni ddylai neb orfod byw gyda'r ofn a'r pryder y gall trosedd casineb ei achosi.
Os ydych chi neu rywun rydych yn ei adnabod wedi cael eich effeithio gan drosedd casineb, yna rydym yn eich annog i roi gwybod amdano a cheisio cefnogaeth.
Termau yw ‘digwyddiadau casineb’ a ‘throseddau casineb’ i ddisgrifio gweithredoedd o drais neu elyniaeth sydd wedi’u cyfeirio at bobl oherwydd pwy ydyn nhw neu y mae rhywun yn meddwl ydyn nhw. Cânt eu hysgogi gan elyniaeth neu ragfarn yn seiliedig ar nodweddion canlynol unigolyn:
- anabledd neu anabledd canfyddedig
- hil neu hil canfyddedig
- crefydd neu grefydd canfyddedig
- cyfeiriadedd rhywiol neu dueddfryd rhywiol canfyddedig
- hunaniaeth drawsryweddol neu hunaniaeth drawsryweddol canfyddedig
Gall hyn fod yn ddigwyddiad yn erbyn person neu yn erbyn eiddo ac mae'n cynnwys deunyddiau a bostiwyd ar-lein.
Mae'r heddlu yn cymryd pob trosedd casineb yn ddifrifol iawn. Byddai pob heddlu eisiau i chi roi gwybod am droseddau casineb os gallwch chi. Dewch o hyd i'ch heddlu lleol, neu'r heddlu lleol lle digwyddodd y digwyddiad, i weld sut allwch chi roi gwybod. Os hoffech arweiniad pellach ar roi gwybod am droseddau casineb i’r heddlu, gall True Vision gynnig cefnogaeth.